Он дар назди бинои собиқи телевизиони "Сафина" ва мактаби рақами як воқеъ аст.
Шоҳидон бо фиристодани навор аз ҷойи ҳодиса гуфтанд, ки сӯхтор баъд аз зуҳри 22-юми март сар зад.
Ба қавли онҳо, маъмурони оташнишонӣ барои хомӯш кардани сӯхтор душворӣ кашидаанд.
Дар наворҳо дида мешавад, ки дуди сиёҳ ба ҳаво бархоста, баъзе аз биноҳои атрофро печондааст.
Мақомот ҳанӯз ҳодисаро шарҳ надоданд. Сабаб ва зарари сӯхтор ҳам маълум нест.
