Дар сафорати Амрико дар шаҳри Бишкек гуфтанд, ҳамчунин шаҳрвандони Қирғизистон аз пардохти 20 доллари амрикоӣ барои дарёфти раводидҳои "B1", "B2" ва "B1/B2" озод ҳастанд.
"Ин тағйирот комилан ба беҳбуди хидматрасонӣ барои шаҳрвандони Қирғизистон, содда кардани сафарҳо миёни ду кишвар ва таҳкими робитаҳо равона шудааст", -- изҳор доштааст Лесли Вигерӣ, сафири Иёлоти Муттаҳида дар Қирғизистон.
Тағйирот танҳо ба раводидҳое дахл дорад, ки баъд аз 4-уми марти имсол дода мешаванд.
Расонаҳо қаблан хабар доданд, ки мақомоти Қирғизистон бо ҳамтоёни амрикоии худ дар бораи дароз кардани муҳлати раводидҳои корӣ ва сайёҳӣ гуфтугӯ доранд.
