Муовини шаҳрдори Чимкенти Қазоқистон Мақсуд Исахов 20 июл бо гумони фасодкорӣ дастгир шудааст.
Кумитаи амнияти миллии Қазоқистон хабар дода, ки зидди Исахов тафтишот оғоз шудааст. Аммо манбаъ ҷузъиёти парвандаро ошкор накардааст.
Хабари боздошти муовини шаҳрдори Чимкент имрӯз нахуст дар каналҳои маҳаллии телеграмӣ нашр шуд. Шаҳрдори Чимкент Мурод Айтенов то ҳол боздошти зертобеи худро шарҳ надодааст.
Мақсуд Исахови 49-сола моҳи феврали соли 2020 муовини шаҳрдори Чимкент таъйин шуда буд. Ӯ дар гузашта ду сол дар маъмурияти президенти Қазоқистон низ кор кардааст.
