Владимир Зеленский, раиси ҷумҳури Украина шикоят кардааст, ки кишварҳои ғарбӣ дар фиристодани аслиҳа таъхир мекунанд.
Ӯ дар мусоҳиба бо телевизиони CNN, ки рӯзи 5-уми июл нашр шуд, гуфт, ҳамлаҳои ҷавобии Украина ба Русия ба сабаби дер расидани аслиҳаи ғарбӣ дертар оғоз ёфт ва имкон дод, ки неруҳои Русия барои муқовимат ба ҳамлаҳои ҷавобӣ омодагӣ бигиранд.
Владимир Зеленский, гуфт, ки таъхир дар фиристодани аслиҳа барои неруҳои Украина мушкил эҷод кард. Баъди оғози ҳамлаҳои ҷавобӣ дар моҳи гузашта, Украина чанде аз деҳот дар ҷанубушарқи кишварро бозпас гирифт.
