Се рӯз баъди муолиҷаи уфунати меъдааш рӯзи 29 апрел президенти Туркия Раҷаб Тайиб Эрдуғон дар мазҳари ом дида шуд. Президенти 69-сола дар як ҷашнвораи ҳавопаймоӣ дар Истамбул ҳамроҳ бо ҳампаймонҳояш - президенти Озарбойҷон Илҳом Алиев ва нахуствазири Либия Абдулҳамид Дибейбе бо чеҳраи хандон ба минбар баромад. Ин ду кишвар ба ҳангоми низоъҳои мусаллаҳона аз дронҳои ҷангии истеҳсоли Туркия истифода кардаанд. Эрдуғон талош дорад дар интихоботи президентии 14 май баранда шавад.
