Маъмурияти аз ҷониби Русия таъиншуда дар нимҷазираи ишғолшуади украинии Қрим гуфт, ки субҳи 20-уми август қароргоҳи нирӯҳои баҳрии Русия дар минтақа мавриди ҳамлаи дрон қарор гирифт. Михаил Развозжаев, раиси Севастопол, ки аз ҷониби русҳо таъин шудааст, дар Телеграм-каналаш хабар дод, ки дрон ба шифти биное бархӯрд, вале ҳеҷ хисороте дар пай надошт. Ин дар ҳолест, ки Маскав тасдиқ кард муовини адмирал Виктор Соколов фармондеҳии нирӯҳоро ба ӯҳда гирифт. Ин бори дуюм аст, ки қароргоҳи нирӯҳои баҳрии Русия мавриди ҳамла қарор мегирад.
