Қирғизистон дар чаҳорчӯби қарордодҳои имзошуда бо Қазоқистону Узбекистон нерӯи барқеро, ки аз ин кишварҳо дар фасли сармо гирифта буд, бармегардонад.
Дар ин бора ширкати "Истгоҳҳои барқӣ"-и Қирғизистон хабар дода, гуфтааст, 18-уми июл ҳаҷми об дар обанбори Тоқтагули ин кишвар 12 миллиарду 699 миллион метри мукаабро ташкил медиҳад.
Ба гуфтаи масъулони ширкат, ин нишондод назар ба соли гузашта 1 миллиарду 175 миллион метри мукааб бештар мебошад.
Ширкат афзудааст, ки дар робита ба истеъмолгарони дохилӣ ҳеч гуна маҳдудият ҷорӣ нахоҳад шуд.
