Ин мавзеъро тоҷикон Дусанга ва ҷониби қирғизҳо Иккиташ меноманд. Ин атроф ба макони истироҳатии Қуммазор наздик аст, ки соли гузашта атрофи он баҳсҳои ҳудудӣ рӯ зада буд. Мақомоти шаҳри Исфара ва чандин сокини ҳамин маҳалла рӯзи 11 март дар суҳбати видеоӣ ба Радиои Озодӣ гуфтанд, ки "тирпарронӣ соати тақрибан якуними шаб шуруъ шуда ва ҳудуди ду соат идома кардааст." Дар натиҷаи ин тирпарониҳо ҳарчанд талафоти ҷонӣ ба қайд гирифта нашудааст, аммо дастикам се ҳавлии сокинон осеб дид: дар дару деворашон осори тир намудор аст. Ҳавлиҳои зарардида ба сокинони ҷамоати Чоркӯҳ - Қодир Бобохонов, Раҳматулло Анваров ва Ҳикматулло Ҳабибуллоев тааллуқ доранд.
Ба навиштаи расонаҳои қирғизӣ, ҳодиса гӯё пас аз он рух додааст, ки аз ҷониби сокинони Тоҷикистон ба сӯйи онҳо сангпартоӣ шудааст. Вале сокинони ҷамоати Чоркӯҳ инро рад мекунанд ва, баръакс, сарҳадбонони қирғизро ба "иғвоангезӣ" муттаҳам мекунанд. Раёсати сарҳадбонии Кумитаи давлатии амнияти миллии Тоҷикистон то нашри ин гузориш дар ин бора расман маълумот нашр накард ва мавқеи расмии ҷонибҳо дар ин бора маълум нест. Вале ҳоло ба таҳқиқи ҳодиса шурӯъ кардаанд. Қарор аст ҳайатҳои ду ҷониб рӯзи 12 март сари мизи гуфтушунид нишинанд ва ҳодисаҳои ахирро баррасӣ намоянд.
Субҳи рӯзи 11 март, ки хабарнигори Радиои Озодӣ дар ҷойи ҳодиса буд, вазъ ором ба назар мерасид, вале нигаронии мардум кам намешуд. Рӯзи даҳуми март низ дар сарҳади Тоҷикистону Қирғизистон тирпарронӣ сурат гирифт. Ба иттилои манобеъ, аз тарафи Тоҷикистон як кас кушта ва як нафари дигар захмӣ шудааст. Мақомот дар бораи ҳодиса ҳеч ҳарфе нагуфтанд. Ҷониби Қирғизистон мегӯяд, касе аз тарафи онҳо осеб надид. Дертар мақомоти ду кишвар ба созиш расидаанд, ки ҳодисаро ба таври мустақилона таҳқиқ мекунанд. Тоҷикистону Қирғизистон 970 километр марз доранд, ки ниме аз он таъину нишонагузорӣ нашудааст. Номуайян мондани бахше аз сарҳад ҳар сари чанд вақт сабаби баҳсу муноқишаи мусаллаҳона байни ду ҳамсоя мешавад. Дар низои моҳи январи имсол аз ду ҷониб даҳҳо кас захмӣ шуда, аз тарафи Тоҷикистон ду кас кушта шуданд.
Хукумат агар дар дасти як кас е як оила бошад кор хамин хел мешавад. Сархадбонро гирифта раиси бадахшон гузоштанд, холо хам дар сархад ноороми хам дар Бадахшон. Анна сиесати кадерии хукумат
Амрико бояд шахсоне, ки озодии матбуотро махдуд мекунанд ва хабарнигоронро хадафи хамла карор медиханд бояд тарним кунад. Тахти тарним бояд президент ва оилааш, тими ятимов ва рахимовро карор гирад. The US government need to take sanctions against those who limits the freedom of independent media a and puts the life of the journalists under threat . The list is including the present Rahmon and his family and also the team of Yatimov and Rahimov
силсилаи ҳаводис дар Бадахшон гувоҳи сатҳи пасти донишу касбияти кадрҳои Ҳукумати маркази мебошад, дигар сабабаш таъмин набудани адолату қонуният ва зиёдаравии сохторҳои қудрастӣ аст.
Дар Точикистон имруз хукумат тахти як хоноводаи бесавод амал карда истодааст. Ин хукумат дурбин нест чун стратегияи хукумрониро умуман намефахмад. Хатто сарфам намеравад ки газаб зарра бо зарра дар калби одамон чамъ шуда рузе меояд ин газаб аз чор тараф баромада чомеъа метаркад хама чизро зери пои худ пора пора мекунад. Окибат ба назар сахт ташвишовар мерасад.
Нав фахмиди, ки авлод бо бизнесхояш аз давлату миллат болотаранд?