Бар асари таркиш дар бемористоне дар Узбекистон дастикам як нафар ҷони худро аз даст додааст.
Ҳодиса 11-уми феврал дар вилояти Андиҷон рӯй дод.
Вазорати ҳолатҳои фавқулодаи Узбекистон гуфт, қурбонии таркиш зани 57-солаест, ки дар шифохонаи ноҳияи Шаҳрихон муолиҷа мегирифт.
Ба иттилои вазорат, ҳафт каси дигар бо ҷароҳатҳои гуногун бистарӣ карда шудаанд. Бино ба тафтишоти ибтидоӣ, сабаби таркиш ихроҷи газ будааст.
