Пайвандҳои дастрасӣ

Хабари нав

AIPS беҳтарин варзишгарони соли 2021-ро муайян кард


Мунтахаби футболи Итолиё.

Тими мунтахаби мардонаи Итолиё, ки ғолиби қаҳрамонии футболи Аврупо-2020 гардид, аз ҷониби Ассотсиатсияи байналмилалии матбуоти варзишӣ (AIPS) дар соли 2021 беҳтарин дастаи сол дониста шуд.

Ба гузориши news.sportbox.ru, Бозиҳои олимпӣ ва паралимпӣ дар Токио-2020 ҷоизаи AIPS-ро ҳамчун рӯйдоди варзишии сол дарёфт карданд.

Ситораи варзиши сабуки Ямайка Элайн Томпсон-Ҳера ва футболбози маъруф, ҳамлагари лаҳистонӣ Роберт Левандовски беҳтарин варзишгарони соли 2021 дониста шуданд.

Варзишгари сабук дар давидан ба масофаи 100 метр Элайн Томпсон-Ҳера дуюмин зани тездав дар таърих, инчунин қаҳрамони 5-каратаи олимпӣ мебошад.

Роберт Левандовски аз рӯи натиҷагирии соли 2021 дар овоздиҳӣ барои «Тӯби тиллоӣ» ҷои 2-юмро гирифт, ҷоиза насиби ҳамлагари аргентинии ПСЖ-и Фаронса Лионел Месси гардид.

Дар назарсанҷии Ассотсиатсияи байналмилалии матбуоти варзишӣ 529 хабарнигор аз 114 кишвар иштирок карданд.

Шарҳҳоро бинед

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!

XS
SM
MD
LG