Рӯзи 15 июн дар шарқи Афғонистон чанд тими кормандони тиббӣ, ки бо эмкунии кӯдакон алайҳи фалаҷи атфол машғул буданд, мавриди ҳамла қарор гирифтанд. Дар натиҷа, дастикам 5 корманди тиббӣ кушта шуд. Дар се моҳи охир ин дуюмин чунин ҳамлаи маргбор будааст. Атоулло Хоқиёнӣ, сухангӯи волии Нангарҳор ба Радиои Озодӣ гуфт, ки ба иловаи панҷ кушташуда чор нафари дигар маҷрӯҳ шуданд. Фарид Хон, сухангӯи полиси вилоят гуфт, ки кормандони тиб дар се минтақаи мухталифи вилояти Нангарҳор ба гуфтааш, дар як ҳамлаи ҳамоҳангшуда дар давоми ду соат ба қатл расиданд. Ҳанӯз ҳеҷ гурӯҳе масъулияти ин ҳамларо ба дӯш нагирифтааст, вале дар ин минтақа ҳам гурӯҳи «Далвати исломӣ» ва ҳам Толибон ҳузур доранд.
Афғонистон, ки кишвари дорои фалаҷи атфол ба шумор меравад, бо ёрии UNICEF ният дорад, ки имсол 9,6 миллион кӯдакро бар зидди ин беморӣ эм кунад. Соли 2020 дар Афғонистон 54 ҳодисаи нави олудашавӣ ба полиомиелит ба қайд гирифта шуд. Афғонистон ва Покистон танҳо кишварҳое мебошанд, ки ин ҷо фалаҷи атфол решакан нашудааст.
