ИМА нисбати мақомоти мудофиаи Туркия таҳрим ҷорӣ кард. Дар ин бора расонаҳо бо такя ба вазорати молияи ИМА хабар доданд.
Ба ин тартиб, Иёлоти Муттаҳида мехоҳад, Туркияро барои хариди мушакҳои русии С-400 "ҷазо" диҳад.
Тадбирҳои Вашингтон зидди Анкара, бино ба ҳисобҳои ИМА, бояд ба иқтисоди Туркия зиён расонанд. Ба навиштаи расонаҳо, мушкилоти иқтисодии дар пайи вабои коронавирус ба миён омада, алакай рушди иқтисоди Туркия коҳиш додаанд.
Ҳанӯз миёнаҳои соли гузашта мақомоти ИМА гуфта буданд, ки харидории низоми мушакии С-400 аз сӯи Туркия барои ҳавопаймоҳои F-35-и амрикоӣ хатар эҷод мекунанд, зеро мушакҳои С-400 бо ҳавопаймоҳои F-35 мухолифат доранд.
