Доналд Трамп, раиси ҷумҳурии Амрико, мушовири пешини амнияти миллиаш Майкл Флинро афв кард. Бо бахшида шудани Флин, ба таъқиби додгоҳии ӯ дар робита ба таҳқиқот дар мавриди мудохилаи Русия дар интихоботи президентии соли 2016 низ поён дода шуд. Майкл Флин муттаҳам аст, ки барои иртиботаш бо русҳо дар ин қазия ба идораи таҳқиқоти федеролии Амрико дурӯғ гуфтааст. Трамп рӯзи 25-уми ноябр дар Твиттер навишт, "ифтихори бузург аст, ки афви комили генерал Флинро эълом мекунам." Ин иқдом сабаби интиқоди вакилони демократ, аз ҷумла Ненси Пелоси, раиси Маҷлиси Намояндагони Амрико, шуд.
