ИМА, Бритониё ва Канада эҳтимолан базудӣ нисбати мақомоти Беларус, ки дар саркӯби хушунатбори эътирозгарони натиҷаҳои интихоботи президентии 9-уми август гунаҳгоранд, таҳримҳо ҷорӣ кунанд. Reuters гуфт, ки таҳримҳо рӯзи 25-уми сентябр, ду рӯз баъди маросими пинҳонии савгандёдкунии Александр Лукашенко эълон мешаванд. Бисёр раҳбарони ғарбӣ ин маросимро “як тақаллубкорӣ” номиданд. Вазири хориҷаи Бритониё Доминик Рааб рӯзи 24-уми сентябр гуфт, баъди он ки ИА баъди таҳрими Қибрис натавонист Беларусро таҳрим кунад, Бритониё дар ҳамоҳангӣ бо ИМА ва Канада таҳримҳои худро ҷорӣ мекунад. Барои ширкат дар эътирозҳову даъват ба истеъфои Лукашенко садҳо нафар боздошт шуданд ва бисёриҳо аз латукӯбу шиканҷа шикоят карданд. Эътирозгарон мегӯянд, ки натиҷаҳои интихобот ба манфиати Лукашенко тақаллуб шуд.
