Пайвандҳои дастрасӣ

Хабари нав

Толибон масъулияти ҳамлаи Самангонро бар дӯш гирифтанд


13 июл, беморхонае дар шаҳри Айбаки вилояти Самангон. Маҷрӯҳшудаҳо дар таркиши бомба муолиҷа мешаванд
13 июл, беморхонае дар шаҳри Айбаки вилояти Самангон. Маҷрӯҳшудаҳо дар таркиши бомба муолиҷа мешаванд

Дар як ҳамлаи азими Толибон ба дафтарҳои сохторҳои интизомии Афғонистон дастикам 11 корманди амниятӣ кушта ва даҳҳо нафар, асосан сокинони мулкӣ маҷрӯҳ шуданд. Гурӯҳи ҷангҷӯён дар даромадгоҳи Раёсати амнияти миллии маркази вилояти Самангон – шаҳри Айбак рӯзи 13 июл мошинеро бо истифода аз бомба тарконда баъдан ба дохили бино юриш карданд. Волии Самангон Абдулатиф Иброҳимӣ ба Радиои Озодӣ гуфт, ки рӯёрӯии чандинсоата бо марги чор ҳамлагар даргузашт. Иброҳимӣ гуфт, ки ҳамаи 11 корманди ҳукумат, ки кушта шуданд, узи Раёсати амнияти миллии Самангон буданд. Ӯ гуфт, ки дар ин ҳамла 63 нафар, аксар афроди мулкӣ кушта шуданд. Забеҳулло Муҷоҳид, сухангӯи Толибон гуфт, ки масъулияти ҳамларо ин гурӯҳи шӯришӣ ба ӯҳда дорад. Ин ҳодиса дар ҳоле рух дод, ки Толибон ҳамлаҳо дар шимоли Афғонистонро вусъат бахшидаанд.

XS
SM
MD
LG