Субҳи 16-уми июн заминларзаи сахт шарқи Тоҷикистонро такон дод. Ҳодиса соати 6:32 ба вақти маҳаллӣ рух дод.
Бино ба иттилои Пажӯҳишгоҳи зилзилашиносии Амрико, маркази заминларза дар 14-километрии маркази ноҳияи Шуғнони Вилояти Мухтори Кӯҳистони Бадахшони Тоҷикистон будааст.
Манбаъ мегӯяд, нерӯи зилзила дар маркази он 5,7 дараҷаи Рихтер будааст. Шиддати зилзила дар Душанбе ва минтақаҳои дигари Тоҷикистон низ эҳсос шуд.
То кунун маълум нест, ки ин зилзила хисороте дар пай доштааст ё на.
Тоҷикистон дар яке аз минтақаҳои зилзилахези қораи Осиё ҷойгир аст. Дар гузашта бар асари зилзила дар гӯшаҳои кишвар чандин хона вайрон шудааст.
