Дар шаҳри Самарқанди Узбекистон мардоне, ки бо тани урён ба кӯча баромада буданд, аз 10 то 15 шабонарӯз ҳабс шуданд.
Бар асоси қарори додгоҳи Самарқанд аз 2-юми март, шаҳрвандон Ж.Н. ва У.Т. бар асоси банди "Майдаавбошӣ"-и Кодекси маъмурии Узбекистон 15 рӯз ва шаҳрванд Х.Д. 10 рӯз ҳабс шудаанд.
Пештар хабар дода шуд, ки рӯзи 29-уми феврал, тахминан соатҳои 23:00-и шаб ду мард дар чорроҳаи кӯчаҳои Туркистон ва Амир Темури Самарқанд урён мегаштанд. Онҳоро марде дар мошин ҳамроҳӣ мекард.
Дертар маълум шуд, ки онҳо сокинони 28, 41 ва 44-солаи ноҳияи Ҷамбойи вилояти Самарқанд будаанд. Сокинони мазкур ҳангоми бозпурсӣ гуфтаанд, ки маст буданд.