Пайвандҳои дастрасӣ

Хабари нав

Дар ҳамла ба роҳпаймоён дар Олмон 30 кас захмӣ шуд


Пулиси Олмон дар маҳалли ҳодиса. Фолкмарзене, 22 феврал, 2020.
Пулиси Олмон дар маҳалли ҳодиса. Фолкмарзене, 22 феврал, 2020.

Дар шаҳри Фолкмарзенеи Олмон ронандаи мошини сабукрави "Мерседес" иштирокдорони як роҳпаймоиро пахш кард. Ба гуфтаи шоҳидон, дар натиҷа дасти кам 30 кас захмӣ шудаанд, ки дар миёнашон кӯдакон низ ҳастанд.

Пулиси Кассел хабар дод, ки ронанда боздошт шудааст. Мақомоти Олмон то ҳол ҳамлаи террористӣ будани ҳодисаро тасдиқ накардаанд, вале шоҳидон мегӯянд, ронанда вақте ба самти роҳпаймоён равон шуд, суръати мошинро якбора баланд кард.

Тавре маълум шуд, ронанда шаҳрванди 29-солаи Олмон аст.

Пулис Эссен дар "Твиттер" иттилоъ дод, ки пас аз ҳодисаи Фолкмарзене ҳамаи роҳпаймоиҳо дар ин ноҳия ба далели амниятӣ лағв шуданд.

Дар Олмон моҳи декабри соли 2017 чунин ҳодиса рух дода буд. Марде бо мошини боркаш ба анбуҳи одамон ҳамла кард, ки дар натиҷа беш аз даҳ кас кушта ва 50 тани дигар захмӣ шуданд. Ҳодиса ҳамлаи террористӣ эълом шуда, онро шаҳрванди Тунис Анис Амрӣ анҷом дода буд.

XS
SM
MD
LG