Ҳайати мунсифа рӯзи 24-уми феврал дар шаҳри Ню-Йорк коргардони пешини Ҳолливуд Ҳарвӣ Вайнштейнро ба ҷиноятҳои дорои хусусияти шаҳвонӣ, аз ҷумла озори ҷинсӣ ва таҷовуз айбдор донист.
Ба иттилои Reuters, дар сурати эътирофи гуноҳ бар асоси яке аз бандҳо - "ҳамлаи хушунатомези ҷинсӣ" ба Вайнштейн маҳрум шудан аз озодӣ то ба ҳабси якумрӣ таҳдид мекунад. Ҳукми ниҳоии додгоҳ нисбат ба Вайнштейн 11-уми март эълом мешавад.
Бештари ҳунармандони Ҳоливуд моҳи октябри соли 2017 Вайнштейнро ба озори ҷинсӣ айбдор карданд. Дар натиҷа Вайнштейн аз шӯрои мудирони ширкат ва аз ҳайати Академияи синамои Амрико ихроҷ шуд.
Ҷамъан 80 зан коргардони пешини Ҳоливудро ба ҳолатҳои озори ҷинсие айбдор кардаанд, ки гӯё даҳ сол пеш рух додаанд. Дар миёни онҳо Гвинет Пэлтроу, Ума Турман ва Салма Гаек низ ҳастанд.
