Вазорати мудофиаи Узбекистон аз Русия чаҳор чархболи низомии навъи Ми-35М дарёфт кард. Дар ин бора расонаҳои Узбекистон иттилоъ медиҳанд. Чархболҳои дарёфтӣ айни ҳол дар фурудгоҳи байналхалқии шаҳри Тошканд қарор доранд.
Расонаҳои Русия пештар навишта буданд, ки чаҳор чархболи Ми-35М охири соли 2019 ва 8 чархболи дигар дар соли 2020 ба Узбекистон ирсол мешавад.
Чархболи борбари низомии Ми-35М барои маҳвсозии техникаи зиреҳпӯш ва кӯмак ба артиши хушкигард пешбинӣ шудааст. Чархбол бо навтарин таҷҳизот муҷаҳҳаз буда, қодир аст, дар ноустувортарин шароити обу ҳаво шабонарӯз парвоз кунад.