Дар шаҳри Тошканди Узбекистон мардеро боздошт карданд, ки дар натиҷаи баҳсе духтари чаҳорсолаи ҳамхонаашро аз ошёнаи 4-ум ба замин партофтааст.
Ба огаҳии Додситонии кулли Узбекистон, В. К. - марди 41-сола ва сокини кӯчаи Шаҳриободи ноҳияи Мирзоулуғбек, ки доғи судӣ дорад, шаби 20-уми декабр ҳамроҳи ҳамхонааш - М.К. арақ нӯшида, бо ҳам баҳс кардаанд. Мард духтари занро аз ошёнаи 4-ум ба замин андохтааст, ки дар натиҷа кӯдак ба ҳалокат расидааст.
Додситонии ноҳияи Мирзоулуғбек роҷеъ ба ин ҳодиса бо банди "Куштори барқасдона" парванда боз кардааст.
В.К. боздошт шуда, тафтишот идома дорад.