Вазорати кишоварзӣ, саноати ғизоӣ ва обёрии Қирғизистон лоиҳаи манъи истеҳсол ва фурӯши машруботи неруафзоро ба баррасии умум гузошт.
Дар лоиҳа омадааст, ки Русия соли 2017 машруботи омехта бо алкул ё спирти этил ва маводи неруафзоро манъ кард ва дар ҳоли ҳозир зиёнҳои ин навъи машрубот таҳқиқ мешавад.
Ба иттилои вазорати кишоварзии Қирғизистон, ҳамин гуна маҳдудият дар Қирғизистон низ роҳандозӣ хоҳад шуд.
Қонуни Қирғизистон "Дар бораи танзими давлатии истеҳсол ва фурӯши алкули этил, маводи алкулӣ, фурӯши чакана ва истеъмоли маводи алкулии неруафзо ва машруботи сабук" низ пешбинӣ мекунад, ки истеҳсол ва фурӯши машруботи сабуки неруафзо манъ шавад.
