Пайвандҳои дастрасӣ

Либоси танги занона барои донишҷӯёни Туркманистон мамнӯъ шуд


Донишҷӯёни туркман

Дар Туркманистон пӯшидани либоси тангро барои духтарони донишҷӯ манъ карданд. Минбаъд онҳо бояд куртаи дарозу кушод ва шалвори миллии гулдӯзӣ - балакро пӯшанд.

Як манбаъ дар Вазорати маорифи Туркманистон ба шарти ифшо нашудани номаш гуфт, қарори ҷорӣ кардани қоидаи нави либоспӯшӣ барои духтарони донишҷӯ аз аввали соли нави таҳсил, дар ҷаласаи ахири вазорат қабул шуд.

Ба гуфтаи омӯзгорон ва волидон, раҳбарияти мактабҳо аз 20 июл бо хонандагон тамос гирифта, ба онҳо қоидаи нав ва ҳатмӣ будани иҷрои либосҳоро шарҳ медиҳанд. Либосҳо бояд дар хайётие дӯхта шаванд, ки масъулони мактаб мегӯянд.

Як манбаъ дар вилояти Дашоғузи Туркманистон низ гуфт, ин дастур то ба мактабҳои минтақаӣ низ расидааст. "Имсол либоси нави мактабӣ ҷорӣ мешавад. Бинобар ин, омӯзгорон бо вуҷуди дар рухсатӣ будан, хона ба хона гашта, хонандагонро огаҳ мекунанд, ки то 10 август либос нахаранд", - изҳор дошт ҳамсуҳбати мо.

Пӯшидани либоси мактабӣ дар шакли миллӣ дар тамоми мактабҳои Туркманистон ҳатмӣ аст. Аз ҷумла дар мактабҳои №55 ва №57-и шаҳри Ишқобод, ки дар он русу туркҳо ва миллатҳои дигар таҳсил мекунанд. Ин қоида борҳо норозигии волидонро ба бор овардааст.

Видеоҳои охирин

Дар Афғонистон интихоботи парламентӣ ҷараён дорад
лутфан мунтазир бошед
### Эмбед ###

### Феълан кор намекунад ###

0:00 0:01:00 0:00

Озодӣ дар iOS ва Google Play

XS
SM
MD
LG