Идораи мусалмонони Узбекистон (ИММУ) оҷонсии сайёҳии Muslim-tour-ро таъсис дод. Барои роҳандозии чунин хизматрасонӣ, ИММУ иҷозатномаи Кумитаи давлатии рушди туризмро дарёфт кардааст. Иҷозатномаи мазкур ҳаққи фаъолияти сайёҳӣ ва ба вижа, анҷоми хизматрасонӣ дар бахши сайёҳии дохилӣ ва хориҷиро медиҳад. "Оҷонсии сайёҳии Muslim-tour ният дорад, шаҳрвандони дохилӣ ва хориҷиро ба зиёрати маконҳои муқаддаси Узбекистон барад ва ба ин тартиб, шуҳрати Узбекистонро дар ҷаҳони ислом бештар кунад", - хабар медиҳад ИММУ.
