Пайвандҳои дастрасӣ

Хабари нав

Э.Раҳмон: Ҳукумати Тоҷикистон бо ИНОТ сулҳ кард, на ҲНИТ


Созишномаи истиқрори сулҳ ва ризоияти миллиро Эмомалӣ Раҳмон, раиси ҷумҳури Тоҷикистон ва Саид Абдуллои Нурӣ, раҳбари Иттиҳоди нерӯҳои мухолифини Тоҷикистон дар шаҳри Маскав имзо карданд.

Эмомалӣ Раҳмон, раиси ҷумҳури Тоҷикистон, дар рӯ ба рӯи ҳазорҳо нафар аз иштирокдорони ҷашни ваҳдати миллӣ дар шаҳри Конибодоми вилояти Суғд гуфт, ки ҳукумат соли 1997 бо Иттиҳоди нирӯҳои оппозитсиюни тоҷик музокироту сулҳ карда буд, на ҳизби ҳоло дар кишвар мамнӯи наҳзати исломӣ.

Ӯ шоми 27-уми июн гуфт, “мо ҳеҷ вақт бо ҳизби террористиву экстремистии наҳзат ягон ҳуҷҷат имзо накардаем. Ин нуктаи муҳимро тамоми мардуми тоҷик бояд донанд.”

21 соли пеш, рӯзи 27-уми июни соли 1997, дар шаҳри Маскав бо сарпарастии Созмони Милали Муттаҳид миёни ҳукумат ва раҳбарияти Иттиҳоди нирӯҳои мухолифини тоҷик созиши сулҳ баста шуд. Ин созишномаро Эмомалӣ Раҳмон, раиси ҷумҳури Тоҷикистон ва Саид Абдуллои Нурӣ, раҳбари Иттиҳоди нерӯҳои мухолифини Тоҷикистон имзо карданд.

Баъди ин, 30 дар сади мақомҳои ҳукуматиро ба намояндагони мухолифони давлат доданд, гурӯҳҳои мусаллаҳи мухолифин ё халъи силоҳ шуданд ва ба зиндагии осоишта баргаштанд ва ё ба сафи артиш пайвастанд.

Ҳизби ҳоло дар Тоҷикистон мамнӯи наҳзати исломӣ ҳамеша худро як тарафи сулҳ дониста ва гуфтааст, ҳукумат ба танҳоӣ наметавонист ба ваҳдати миллӣ бирасад. Ин ҳизб пас аз ҳодисаҳои соли 2015 дар кишвар ҳукуматро ба нақзи созишномаи сулҳ низ муттаҳам кардааст.

Дар гузашта Худойбердӣ Холиқназарзода, раиси Маркази тадқиқоти стратегии назди президенти Тоҷикистон гуфта буд, “ҲНИТ дар музокирот ҳамагӣ 25 дарсад намояндагӣ дошту бас.” Вай гуфта буд, намояндаҳои ҳизби демократ, Маркази ҳамоҳангсозии нерӯҳои демократии Тоҷикистон, созмонҳои "Лаъли Бадахшон" ва муҳоҷирони тоҷик низ шомили Иттиҳоди нирӯҳои оппозитсиюни тоҷик буданд.

Имзои созишномаи сулҳ ба ҷанги панҷсола дар Тоҷикистон хотима гузошт. Эмомалӣ Раҳмон, раиси ҷумҳури Тоҷикистон дар Конибодом гуфт, талабу дархост ва майлу иродаи мардум як сабаби сулҳ буд.“Ва танҳо ба хотири аз харитаи сиёсии ҷаҳон нест нашудани давлати соҳибистиқлоламон ва пароканда нагардидани миллатамон мо бо Иттиҳоди нерӯҳои мухолифин музокиротро оғоз кардем”, - афзуд ӯ.

Ба қавли президент Раҳмон, ин музокирот чиҳил моҳ дар гӯшаҳои дунё идома кард ва дар ин муддат чиҳил санади муҳим имзо шудааст.

Видеоҳои охирин

Занони манотиқи марзӣ: "Ҳоло роҳи муросоро пеш гирифтем"
лутфан мунтазир бошед

### Феълан кор намекунад ###

0:00 0:03:54 0:00

Озодӣ дар iOS ва Google Play

XS
SM
MD
LG