Пайвандҳои дастрасӣ

Хабари нав

Ҳазорҳо нафар дар Киев истеъфои Порошенкоро талб карданд


Роҳпаймоӣ бо талаби истеъфои Порошенко. 4 феврали соли 2018

Ҳазорҳо нафар дар маркази Киев, пойтахти Украина бо талаби истеъфои президент Петро Порошенко раҳпаймоӣ анҷом доданд. Пулис рӯзи 4 феврал гуфт, ки эътирозро "Ҷумбиши Нерӯҳои Нав"-и сиёсатмадори мухолифи ҳукумат Михаил Саакашвилӣ созмон дод ва дар он ҳудудан 2,500 нафар иштирок кард. Аммо гузоришҳои маҳаллӣ мегӯянд, ки теъдоди эътирозгарон то 5000 нафар буд.

Худи Саакашвили дар муроҷиат ба ҷамъомадагон гуфт, ки ин эътроз оғози маъракаи "аз байн бурдани сохтори пӯсидаи фасодзада" аст. "Истеъфои Порошенко танҳо қадами аввал аст",- афзӯд Саакашвили.

Таҳиягарони "Раҳпаймоӣ барои Оянда" ҳамчунин ба интихоботи пеш аз муҳлат ва таъсиси ҳукумати нав даъват карданд.

Онҳо қатъомаеро қабул карданд, ки ба эътирози саросарӣ дар Украина даъват мекунад. Таърихи баргузории тазоҳурот 18 феврал гуфта шудааст.

Пеш аз оғози раҳпаймоӣ наздик ба 2 ҳазор корманди идораҳои ҳифзи ҳуқуқу тартибот дар шаҳр мустақар шуд. Дар ҷараёни эътроз ҳодисае рух надод.

Видеоҳои охирин

"Барқи Тоҷик" болоравии нархи нерӯи барқро шарҳ дод
лутфан мунтазир бошед
### Эмбед ###

### Феълан кор намекунад ###

0:00 0:01:27 0:00

Озодӣ дар iOS ва Google Play

XS
SM
MD
LG