Пайвандҳои дастрасӣ

Хабари нав

Ширкати сайёҳии Узбакистон: "Низоми раводид бо Тоҷикистон бекор мешавад"


Азиз Абдуҳакимов, раиси ширкати давлатии сайёҳии Узбакистон гуфтааст, ки дар моҳҳои наздик кишвараш ва Тоҷикистон қасд доранд маҳдудиятҳои раводидӣ дар омаду рафти сокинони ҳар ду кишварро бекор кунанд. Ҷаноби Абдуҳакимов дар мусоҳиба бо хабаргузории русии "Спутник" гуфтааст, ки ин қарордод дар ҷараёни сафари қарибулвуқӯи президенти Узбакистон Шавкат Мирзиёев ба Душанбе имзо хоҳад шуд.

Ин масъули ширкати давлатии сайёҳии Узбакистон гуфтааст, ки солона то 200 ҳазор нафар аз Тоҷикистон аз ин кишвар дидан мекунанд. Ҳамзамон ба иттилои раҳбари ширкати давлатии сайёҳии Узбакистон, мақомоти ин кишвар ба манзури рушди ҷаҳонгардӣ зарурати гирифтани виза барои сокинони 15 кишвари ҷаҳонро аз баҳори соли ҷорӣ бекор мекунад.

Иттилоъ дар бораи нияти имзои созишномаи сафарҳои якмоҳаи бидуни раводид ба Тоҷикистону Узбакистон ҳафтаи гузашта пахш шуд. Ин тавофуқ дар пайи сафари Абдулло Орипов, нахуствазири Узбакистон ба Душанбе мақомоти Тоҷикистону Узбакистон ҳосил шудааст. Як манбаи хабаргузории "Азия-Плюс" дар ҳукумати Тоҷикистон рӯзи 11-уми январ гуфт, ба зудӣ санад "Дар бораи равуои шаҳрвандон" имзо хоҳад шуд, ки бар асоси он сокинони ду кишвар ҳақ доранд бе виза як моҳ дар қаламрави якдигар бигарданд. Тибқи муқаррароти феълӣ, шаҳрвандони Тоҷикистону Узбакистон барои сафар ба кишварҳои якдигар бояд танҳо бо раводид сафар кунанд. Гирифтани раводид ҳам шартҳои худро дорад, ки таҳияи он на ба ҳар як шаҳрванд осону роҳат даст медиҳад

Тоҷикистону Узбакистон тӯли беш аз бист соли гузашта муносибати чандон хуби сиёсиву иқтисодӣ ва фарҳангӣ надоштанд. Яхи муносибатҳо баъд аз даргузашти Ислом Каримов, раиси ҷумҳури нахустини Узбакистон, дар моҳи сентябри соли 2016 ва ба қудрат расидани Шавкат Мирзиёев, каме об шуд. Ҳоло ду тараф равуо барои шаҳрвандонро осонтар карда, дар кишварҳои ҳамдигар намоишгоҳи саноативу иқтисодӣ ва рӯзҳои фарҳангӣ баргузор намуданд.

Видеоҳои охирин

Welcome to Tajikistan. Милисаҳои тоҷик англисӣ меомӯзанд
лутфан мунтазир бошед

No media source currently available

0:00 0:01:39 0:00

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG