Вазири иқтисоди Қирғизистон Артем Новиков мегӯяд, ҷониби Қазоқистон аз имзои "Харитаи роҳ", ки вазъ дар марзи ду кишварро ба эътидол меорад, худдорӣ мекунад.
Ба гуфтаи вазир, ҷониби Қазоқистон монеаҳо дар марзро ба мавридҳои қочоқи мол аз Қирғизистон ба ин кишвар рабт додааст. Вале ба гуфтаи ӯ, ин гуна мушкил дар тамоми кишварҳои ИИАО вуҷуд дорад.
Ду кишвари ҳамсоя ба таҳияи харитаи роҳ 18 октябр дар мулоқоти сарвазирони Қирғизистону Қазоқистон ба созиш расида буданд. Лоиҳаи ин санад аз 48 банд иборат буда, ба ҳалли тамоми мушкилиҳои марзӣ равона шудаанд.
Дар марзи Қирғизистону Қазоқистон аз 10 октябр ба ин тараф назорати шадиди марзӣ роҳандозӣ шуд. Қазоқистон дар гузаргоҳҳои марзӣ постгоҳи назоратии иловагӣ ташкил ва ба санҷиши мошинҳои боркаш сарбозони мусаллаҳро ҷалб кард. Дар натиҷа ҷамъшавии мошинҳо ва навбатпоии тӯлонии мусофирон ба вуҷуд омад. Ин ҳолат баъди он ба миён омад, ки пррезиденти феълии Қирғизистон Қазоқистонро ба дахолат дар умури интихоботи ахир гунаҳкор кард.
