Пайвандҳои дастрасӣ

Достон Ҷумъабеков раиси порлумони Қирғизистон интихоб шуд


Достон Ҷумъабеков

Узви ҷиноҳи "Қирғизистон"- Достон Ҷумъабеков рӯзи 25 октябр раиси порлумони Қирғизистон интихоб шуд.

Аз 120 намояндаи мардумӣ дар порлумон 80 нафар ба тарафдории ӯ райъ доданд. 32 намояндаи мардумӣ Исҳоқ Масалиев- номзади ҷиноҳи "Онугуу-Прогресс" ҷонибдорӣ карданд.

Интихоби раиси порлумон ба таври махфӣ сурат гирифт.

Достон Ҷумъабекови 40 сола бори аввал соли 2010, аз рӯхати ҳизби "Ата-Журт" вориди порлумон шуд. Вуруди дубори ӯ ба порлумон соли 2015 дар ҳайъати ҳизби "Қирғизистон" сурат гирифт.

Раиси нави порлумон устоди варзиш дар риштаи якҳарбаи шарқӣ аст. Ӯ оиладор аст ва се фарзанд дорад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG