Пайвандҳои дастрасӣ

Пуштибонии Сенати ИМА аз номзадии Ҳантсман ба мақоми сафир дар Русия


Ҷон Ҳантсман

Кумитаи умури байналмилалии Сенати ИМА аз номзадии Ҷон Ҳантсман ба мақоми сафири кишвар дар Русия пуштибонӣ кард. Номзадии ҷумҳурихоҳ Ҷон Ҳантсман, волии собиқи аёлати Юта ва сафири пешини ИМА дар Чин, аз сӯи раисиҷумҳур Доналд Трамп пешбарӣ шудааст.

Ҳангоми баррасӣ дар кумитаи умури байнулмилалии Сенат Ҳантсман изҳор намуд, ки ба мақомоти расмии Русия аз масъулияташон барои дахолат ба интихоботи президентии Амрико пайваста ёдовар хоҳад шуд.

Номзад ба мақоми сафири ИМА дар Русия сенаторҳои нигарон аз омодагии ҳамкории Трамп бо Владимир Путинро бовар кунанд, ки нақши сафоратро дар густариши робита бо шаҳрвандони Русия ба хотири “табодули андешаҳову идеяҳо” боло мебарад.

Сенатори бонуфуз аз Ҳизби демократ Бен Кардин аз номзадии Ҷон Ҳантсман ба мақоми сафири кишвар дар Русия пуштибонӣ кард.

Ҳантсман пеш аз ин сафири ИМА дар Сингапур ва Чин буд. Ӯ соли 2012 ба мақоми президентӣ номзад шуд. Ба навиштаи хабаргузориҳо, хонаводаи ӯ соҳиби корхонаи бузурги кимиёвӣ аст, ки дар Русия манфиатҳои тиҷорӣ дорад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG