Пайвандҳои дастрасӣ

Банкоматҳои "Ориёнбонк" рӯзҳои истироҳат бепул монданд


Банкоматҳои "Ориёнбонк" ба далели "фаннӣ" барои муддате аз кор бозмондаанд. Абдурасул Набиев, намояндаи ин бонки тиҷоратӣ дар пайи шикоятҳои муштариёни ин бонк рӯзи 14-уми август ба Радиои Озодӣ гуфт, ки рӯзҳои истироҳат "воқеан банкоматҳои "Ориёнбонк" бепул мондаанд ва субҳи имрӯз ба ҳамаи банкоматҳо пули нақд расонида шуд. Аммо ба сабабҳои техникӣ то ҳол ин банкоматҳо фаъол карда нашудаанд ва интизор меравад давоми рӯз ин мушкили фаннӣ бартараф хоҳад шуд".

Ҷаноби Набиев дар посух ба саволи Радиои Озодӣ, ки муштариёни ин бонк аз вазъи молии он нигаронанд, гуфт, ки "сабабе барои нигаронӣ вуҷуд надорад ва шукрона вазъи молии бонки мо хуб аст".

Ин дар ҳолест, ки дар ду соли ахир чанд бонки умдаи Тоҷикистон назири "Агроинвестбонк", "Тоҷиксодиротбонк" ва "Фононбонк" дучори мушкили молӣ шуда буданд ва дар оғоз ба шикояти муштариёни худ посухҳои мушобеҳ медоданд.

Ёдовар мешавем, ки "Ориёнбонк" низ аз бонкҳои аслии тиҷоратии Тоҷикистон маҳсуб мешавад ва раҳбарии онро Ҳасан Асадуллозода, аз хешовандони наздики раиси ҷумҳури Тоҷикистон бар ӯҳда дорад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG