Пайвандҳои дастрасӣ

Узбакистон қонуни зидди маҳалгароӣ ва гурӯҳбозиро омода мекунад


Ҷаласаи фаъолони ҷомеа бо раиси ҷуҳмур дар Узбакистон

Дар шаҳри Тошканд, пойтахти Узбакистон консепсияи лоиҳаи нави қонуни ин кишвар "Дар бораи хидматчиёни давлатӣ" муаррифӣ шуд. Ин тарҳ шоистасолориро ба маҳалгароӣ, гурӯҳбозӣ ва хотирбини мансабдорон муқобил мегузорад.

Ба иттилои сомонаи Podrobno.uz, ин қонун усули асосии ташкили ҳайати кормандони ниҳодҳои давлатӣ, хидмати одилона, этикаи хидматӣ ва мубориза бо коррупсияро танзим хоҳад кард.

Вазири шуғли аҳолӣ ва муҳоҷирати Узбакистон Азиз Абдуҳакимов гуфт, ки лоиҳаи қонун дар асоси таҷрибаҳои пешрафтаи байналмилалӣ таҳия шуда, дар баробари мафҳум ва падидаҳои умумӣ як қатор навовариҳоро ба миён мегузорад.

"Барои намуна, дар лоиҳаи мазкур мафҳуми шоистасолорӣ ворид карда мешавад. Яъне, усули идорае, ки бар пояи он, ба мақомҳои раҳбарӣ шахсони арзандатар, новобаста аз баромади иҷтимоӣ ва вазъи молияшон интихоб хоҳанд шуд", - афзуд ӯ.

Коршиносон мегӯянд, ки дар лоиҳаи қонун бояд меъёрҳои арзёбии кори хидматчиёни давлатӣ низ ворид гардад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG