Пайвандҳои дастрасӣ

Пешниҳоди баргузории "чил" ва "сари сол" бе додани таъом


Раиси ҷумҳури Тоҷикистон гуфт, ки сокинони кишвар баргузории маъракаҳои азодории бидуни додани таомро, пешниҳод кардаанд. Ба гуфтаи вай, ҳамчунин аз сӯи сокинон пешниҳод шудааст, ки маъракаҳои "чил" ва "сари сол" бо ширкати маҳдуди фотеҳахонҳо, баргузор шавад.

Эмомалӣ Раҳмон, раиси ҷумҳури Тоҷикистон, ки рӯзи 11-уми дар мулоқот бо намояндагони ҷомеа шаҳрвандии кишвар муносибати 10-умин солгарди қабули қонун «Дар бораи танзими анъана ва ҷашну маросимҳо дар Ҷумҳурии Тоҷикистон» суханронӣ мекард, гуфт, ки барои каси фавтида ба ғайр аз фотеҳаву дуо дигар амалҳо носавоб буда, бар зарари оила ва хонадони азодор мебошад.

Ин аст, ки ӯ аз уламо ва ходимони дин хост ба мардум бифаҳмонанд, ки инсонҳо дар зиндагии худ вазифадоранд, ки амалҳои нек аз худ боқӣ гузоранд ва баъди марги шахс фарзандон ва дигар бозмондагони ӯ ба ҷойи хароҷоти беҳуда метавонанд ҳар рӯз бо тиловати Қуръон дуо карда, арвоҳашро шод нигоҳ доранд. Ӯ гуфтааст, ки моли шахси азодор бояд ба фарзандони ятимаш тақсим шавад, на барои забҳ ва баргузор кардани маъракаҳои пурдабдаба.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG