Пайвандҳои дастрасӣ

Мавҷи Уқёнуси Атлантик 2 тонна кокаинро ба соҳил баровард


Зане дар соҳили Нитса (акс аз бойгонӣ)

Дар соҳили Мимазани Фаронса мавҷи Уқёнуси Атлантик ҳудудан ду тонна кокаинро ба соҳил партофт. Дар чаҳорчӯби таҳқиқоти қазия 11 нафар, бо шумули шаҳрванди Олмон, боздошт шуд.

Матбуоти Фаронса рӯзи 21 июн навишт, ки қочоқбарон маводи мухаддирро дар ду қоиқи моторӣ интиқол медоданд ва қоиқҳо дар наздикии соҳили Мимазан ба фалокат дучор шуданд. Дар натиҷа халтаҳои кокаин ба об афтотанд ва мавҷ онҳоро ба соҳил баровард. Дар маҷмӯъ 18 халтаи кокаин ёфт шуд, ки ҳар кадоме 100 кило вазн дошт. Пулис мушаххас мекунад, ки ин бор ба кӣ таалуқ дорад.

Солҳои ахир офати табии борҳо халтаҳои пур аз маводи қочоқиро ба соҳили давлатҳои аврупоӣ партофт. Барои намуна, моҳи феврали соли равон мавҷ чомадони пур аз маводи мухаддирро, ки 60 миллон доллар арзиш дошт, ба соҳил баровард, - навиштааст сомонаи Newsru.com.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG