Пайвандҳои дастрасӣ

Ҳалокати як ҷавон аз Восеъ ҳангоми чидани торон


Дар Тоҷикистон чукриву торона ва сиёҳалаф аз рустаниҳои серхаридори баҳорӣ ҳастанд.

Як сокини ноҳияи Восеъ ҳангоми ҷамъоварии алафҳои баҳорӣ аз кӯҳе афтода ҳалок шудааст. Музафар Самадови 30-сола аз деҳаи Чорбоғи ҷамоати Худоёр Раҷабови ноҳия, рӯзи 15-уми апрел ҳангоми чидани торон дар кӯҳҳои ҷамоати Даштиҷум дар ноҳияи Шамсиддини Шоҳин, (Шӯрободи пешин) афтода ва дар ҷойи ҳодиса ҷон додааст.

Ҷамолиддин Икромов, раиси ҷамоати Худоёр Раҷабов, рӯзи 16-уми апрел ба Радиои Озодӣ, гуфт, ки Музафар Самадов ҳамроҳи бародару падараш ба фурӯши алафҳои баҳорӣ машғул буданд ва онро аз кӯҳҳо чида мефурӯхтанд.

"Дирӯз бо ҳамроҳи падар ва бародараш барои чиндаи алафҳо ба ноҳияи Шамсиддини Шоҳин мераванд ва аз лаби ҷар торонро мегирам мегӯяд, вале сарозер шуда, дар ҷои ҳодиса ба ҳолокат мерасад. Ӯро дирӯз дар деҳа дафн кардем. Ҳарчанд ба мардум мефаҳмонем, ки ҳангоми сафар ба кӯҳҳо эҳтиёт бошанд, аммо худашнро ба мардуми таҳдашти кӯҳистон баробар мекунанд ва оқибат ба ин нохушиҳо оварда мерасонад" - гуфт раиси ҷамоат.

Ҳамдеҳагони Музафар Самадов, ки ҳоло аз ӯ се фарзанд боқӣ мондааст, мегӯянд, ки онҳо зиндагии миёнаҳолона доштанд ва ҳар сол бо оғоз шудани баҳор ба ин кор машғул буданд. Араби Дӯстмурод, яке аз ҳамдеҳагонаш гуфт, ки ҳодиса баъди боридани борон рух додааст.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG