Пайвандҳои дастрасӣ

Зиндонӣ шудани падар ва 2 писар барои таблиғи ДИИШ


Додгоҳи минтақаи Кӯлоб падар ва ду писарро барои таблиғи ғояҳои гурӯҳи тундрави "Давлати исломӣ" дар ҳудуди ноҳияи Восеъ аз 8 то 12 солӣ аз озодӣ маҳрум кардааст. Падари хонадон Мирзоалӣ Содиқови 54-сола ва писарони ӯ Фаррух Содиқови 28-сола ва Далер Содиқови 27-сола охирҳои моҳи гузашта аз сӯи додгоҳи минтақаи Кӯлоб ба зиндон маҳкум шудаанд.

Изатулло Табарзода, раиси додгоҳи минтақаи Кӯлоб рӯзи 12 январ зимни нишасти хабарӣ гуфт, ки афроди ин хонавода барои таблиғи гурӯҳҳои тундрав муттаҳам дониста мешаванд. Ҷаноби Табарзода афзуд, ки Фаррух Содиқов дар шабакаҳои иҷтимоӣ бо гурӯҳҳои тундрав иртибот пайдо карда, наворҳои онҳоро таблиғ мекардааст. Ӯ мегӯяд, ки Фаррух Содиқов падар ва бародарашро низ ба ин кор ҷалб кардааст.

"Падари хонадон ба 8 соли зиндон, писари бузургӣ хонадон ба 12 ва писари дигар ба нӯҳ сол аз озодӣ маҳрум шуданд. Нисбати Саодат Табарова модари хонадон низ парвандаи ҷиноӣ барои авбошӣ боз шуда, ӯро низ додгоҳ ба мудати 2,2 моҳ аз озодӣ маҳрум карда буд, аммо тибқи моддаи 1-и қонуни авф, ба озодӣ баромад. Модари хонадон дар он хусус гунаҳгор шуд, ки ҳангоми дастгирии шавҳар ва писаронаш ба кормандони ҳифзи ҳуқуқ муқобилият нишон медиҳад ва авбошӣ мекунад",--гуфт Изатулло Табарзода.

Ба мӯҳлатҳои тӯлонӣ маҳкум ба зиндон шудани падар ва ду писар дар ҳолест, ки Баҳодур Раҳимов, сокини 34-солаи ҷамоати "20-солагии Истиқлолият" ноҳияи Фархор моҳе қабл аз сӯи додгоҳи минтақаи Кӯлоб барои пайравӣ ва таблиғи наворҳои созмони "Давлати исломӣ" дар шабакаҳои иҷтимоӣ, боздошт шуда буд.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG