Пайвандҳои дастрасӣ

Хушқадам Хусравов дар Ҷоми ҷаҳонии самбо дар Маскав


Хушқадам Хисравов, паҳлавонони тоҷик, дар мусобиқаи байналмилалии ёдбуди Анатолий Харлампиев, поягузори гуштии самбо, ки имрӯз, 27-уми март, дар Маскав шурӯъ шуд, иштирок хоҳад кард.

Дар мусобиқаи байналмилалии ёдбуди Анатолий Харлампиев, поягузори гуштии самбо, ки Ҷоми ҷаҳонии самбо ҳисоб меёбад, Тоҷикистонро Хушқадам Хисравов, паҳлавонони маъруфи тоҷик, намояндагӣ мекунад. Ин мусобиқа рӯзҳои 27-29-уми март дар Маскави Русия баргузор мешавад.

Дар ин бора ба Радиои Озодӣ муовини сардовари ин мусобиқа Маҳмуди Абдуллоҳ, дабири кулли Федератсияи самбои Тоҷикистон, рӯзи ҷумъа хабар дод. Вай гуфт, дар ин мусобиқаи анъанавии байналмилалӣ беш аз 300 варзишгар аз 35 кишвари қораҳои Аврупо, Амрико, Африқо ва Осиё ширкат мекунад.

Мусобиқа дар 9 вазн байни мардону занон дар риштаи самбои варзишӣ ва байни мардон дар намуди самбои размӣ баргузор мешавад. Хушқадам Хисравов дар сабқати самбои варзишӣ байни мардон дар вазни 62 кило қувваозмоӣ мекунад.

Андешаи Шумо

Намоиши шарҳҳо

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

Машваратдодашуда

XS
SM
MD
LG