Пайвандҳои дастрасӣ

Ҳалокати 5 шаҳрванди Тоҷикистон дар Русия


Дар пайи як садамаи автомобилӣ дар шоҳроҳи Санкт-Петербург - Пскови Русия 5 шаҳрванди Тоҷикистон, бо шумули ду зан, ҷон бохтаанд.

Дафтари матбуоти Хадамоти муҳоҷирати Тоҷикистон рӯзи 10 феврал ба нақл аз мақомоти интизомии Русия гуфт, ин фоҷиа соати 14:30-и рӯзи сешанбе ба вақти маҳаллӣ рух додааст ва ҳама қурбониёни ин ҳодиса сокинони ноҳияи Конибодоми вилояти Суғд - Фарҳод Яъқубов, Мунира Аҳмадова, Шаҳло Ҳоҷиева, Абдусаттор Қозиев ва Комилҷон Усмонов - будаанд.

Ба иттилои мақомоти интизомӣ, гӯиё дар сари чанбараки мошин хоби Фарҳод Яъқубов бурдааст ва мошини ӯ ба борбари "Волво" бархӯрдааст. Дар ҳоли ҳозир Хадамоти муҳоҷирати Тоҷкистон дар Русия омодагӣ дорад, ҷасадҳоро ба Тоҷикистон интиқол диҳад.

Видеоҳои охирин

Ба мо нависед

Хабару акс ва видеоҳои худро аз тариқи IMO, Вайбер ва Вотсапп ба ин шумораи мо фиристед: +420 724 053 959

XS
SM
MD
LG