ИМА ва Исроил мегӯянд, ба Эрон иҷозат нахоҳанд дод, ки ба силоҳи ҳастаӣ дастрасӣ пайдо кунад. Рӯзи сешанбе дар Байтулмуқаддас котиби давлатии ИМА Ҷон Керрӣ гуфт, музокироти барномаи ҳастаии Теҳрон беохир идома нахоҳад ёфт. Ин суханонро Керрӣ дар нишасти матбуотии муштарак бо сарвазири Исроил Бенямин Нетаняҳу иброз дошт. Керрӣ ва Нетаняҳу гуфтанд, ки баҳри эҳёи музокироти сулҳи Исроилу фаластиниҳо талош хоҳанд варзид.
