Ду нафар донишҷӯ ва як ноболиғ бо гумони ғоратгарӣ аз сӯи милиса боздошт шуданд. Бино ба иттилои сомонаи ВКД Тоҷикистон, аз ҷониби кормандони шӯъбаи корҳои дохилии ноҳияи Сино-2 шаҳрвандон Табаров Сиёвуш Суҳробович, соли таваллудаш 1993, сокини кӯчаи Лӯчоб, донишҷӯи соли 3-юми Донишгоҳи тарбияи ҷисмонии Тоҷикистон, Диловари Искандаршо, соли таваллудаш 1996, сокини кӯчаи Федин, хонандаи синфи 10-уми мактаби миёнаи таҳсилоти умумии №37 ва Изатов Бахтовар Хуршедович, соли таваллудаш 1993, сокини кӯчаи Федин, донишҷӯи соли 1-уми Донишгоҳи славянии Тоҷикистону Русия ҳамчун гумонбар дар ғоратгарӣ дастгир шуданд. Онҳо рӯзи 24 феврали соли 2013, соати 19:30 дар назди ошхонаи «Тайга», воқеъ дар кӯчаи Бобоҷон Ғафурови пойтахт, аз шаҳрванд Мирзоев Файзулло Нусратович, соли таваллудаш 1967, сокини кӯчаи Мир-Алӣ, бо зӯрӣ 60 сомонӣ пули нақдро гирифта, аз ҷойи ҳодиса ғайб задаанд.
Айни ҳол ин ҳодиса мавриди санҷиш қарор дорад, - хабар медиҳад манбаъ.
Айни ҳол ин ҳодиса мавриди санҷиш қарор дорад, - хабар медиҳад манбаъ.