Дабири кулли Созмони Милали Муттаҳид, Бан Ки-мун дар номае ба Шӯрои Амният гуфт, Сурия ӯҳдадориҳои оташбасро иҷро намекунад, нерӯ ва аслиҳаи вазнини худро аз нуқоти аҳолинишин берун набурда ва то ҳанӯз дар бораи пойбандияш ба сулҳ “паёми рӯшан” надодааст. Бан афзуд, ҳайати нозирони Созмони Милал ба зудӣ густариш ёфта, ба 300 нозири бесилоҳ хоҳад расид, ки оташбаси байни нерӯҳои вафодор ба раисиҷумҳури Сурия Башор Асад ва мухолифонро, ки дар пайи барканории ӯянд, зери назар хоҳанд гирифт.
