Лигаи Араб гуфт, Куфӣ Аннон рӯзи 10 март озими Димишқ мешавад. Собиқ дабири кулли СММ ахиран фиристодаи хоси СММ ва Лигаи Араб дар Сурия таъйин шуд. Имрӯз Валерӣ Амос – раҳбари барномаҳои башарии СММ низ хабар дод, ки Сурия билохира ба сафари ӯ иҷозат додааст. Амос рӯзи 7 март бо як боздиди дурӯза ба Димишқ хоҳад рафт. СММ мегӯяд, тайи қариб 1 соли саркӯбии эътирозҳо алайҳи режими Башор Асад дар ин кишвари арабӣ беш аз 7500 нафар кушта шудаанд.