Блогнависи мухолифи рус Алексей Навалний ба телевизиони амрикоии PBS гуфт, дар сурати пирӯзии сарвазир Владимир Путин, ӯву эътирозгарони дигар натоиҷи интихоботи рӯзи 4 марти раёсатҷумҳурии Русияро эътироф нахоҳанд кард. Навалний гуфт, эътирозҳои мардумӣ бо талаби ислоҳоти сиёсӣ ва интихоботи нав идома хоҳад кард. Ӯ афзуд, Путин рӯзи 5 март худро президенти Русия эълон хоҳад кард ва “ӯ ҳамин тавр, метавонад худро шоҳ ё султон ҳам эълон кунад, вале мо инро қабул нахоҳем кард.” Дар интихобот 5 номзад сабти ном шудаанд, вале мухолифин мегӯянд, онҳо зоҳиран дастнишондаи Кремланд ва рақибони воқеъии Путинро ба корзор роҳ надоданд.