Сарвазири Қирғизистон Омурбек Бабанов амр дод, ки тамоми мақомоти гумруку марзбонӣ ва пулиси ҳарду фурудгоҳи байналмилалии ин кишварро барканор кунанд. Ҳадаф аз ин амр, ки бояд дар зарфи 10 рӯз иҷро шавад, поён додан ба фасод дар фурудгоҳҳои Ӯшу Бишкек гуфта мешавад. Бабанов гуфт, дар ғайри сурати рафъи фасод афроде, ки тоза истихдом мешаванд, низ баъди як моҳ барканор карда хоҳанд шуд.
