Вазорати дохилии Афғонистон мегӯяд, дар натиҷаи як ҳамлаи интиҳорӣ имрӯз дар минтақаи Дорулмони шаҳри Кобул се фарди мулкӣ ва як сарбози афғон кушта шудаанд. Сиддиқ Сиддиқӣ сухангӯи вазорат гуфт, як бомбгузори маргталаб мошини бомбгузоришудаи худро соати ёздаҳуним дар наздикии корвони мошинҳои нерӯҳои байналмилалӣ мунфаҷир кард, ки аз он маҳал убур мекард. Нерӯҳои байналмилалии кӯмаки амниятӣ низ гуфтанд, дар ин таркиш онҳо низ талафот додаанд, вале рақами дақиқе доир ба талафот нагуфтаанд.
