Файзуллоҳ Бобохонов, писари собиқ додситони кулл Бобоҷон Бобохонов, ба 7 соли зиндон маҳкум шуд. Додгоҳи олии Тоҷикистон додситони собиқи ноҳияи Ҳисорро дар сӯъиистифода аз мақом, тамаъҷӯӣ ва тақаллуби аснод муҷрим шинохт. Файзуллоҳ Бобохонов моҳи июли соли гузашта, ҳамагӣ ним сол баъд аз бознишаста шудани падараш бо иттиҳоми ришвахоҳӣ, тақаллуби аснод ва тиҷорати ғайриқонунии замин боздошт шуда буд.