Мақомоти Ҳиндустон мегӯянд, ки дар се инфиҷори тақрибан ҳамзамон дар шаҳри Мумбай ё Бомбайи ин кишвар 21 нафар кушта, бештар аз 100 нафари дигар маҷрӯҳ шудаанд. Паланиаппан Чидамбарам-вазири корҳои дохилаи Ҳинд ин инфиҷорҳоро “ҳамлаи ҳамоҳангшудаи террористҳо” арзёбӣ кард. Притвираҷ Чаван-нахустивазири аёлати Маҳараштра ин ҳамларо “чолише барои тамомияти арзии Ҳиндустон” хонд. Барак Обама-раиси ҷумҳури Амрико ин ҳамлаи ваҳшиёнаро маҳкум кард ва пешниҳод кард, ки барои ба муҷозот кашондани дастандаркорони ин ҳамла Амрико омодаи кӯмак аст. Осиф Алӣ Зардорӣ-раиси ҷумҳур ва Юсуф Ризо Гелонӣ-нахуствазири Покистон низ дар як эъломияи муштарак аз талафоти ҷонӣ изҳори таассуф карданд. Гурӯҳе масъулияти ин ҳамларо бар ӯҳда нагирифтааст.
