Ҳангоми иҷрои корҳои сохтмонӣ дар бинои ҷадиди Осорхонаи миллии Тоҷикистон як коргари 35-солаи чиноӣ ҳалок шудааст. «Азия Плюс»- ношири ин хабар менависад, ин коргар ҳангоми насби лифт аз қабати чоруми бино афтода, бар асари ҷароҳатҳои бардоштааш даргузашт. Осорхонаи миллӣ аз ҷумлаи иншооти ҷашниест, ки бояд то солгарди 20-уми истиқлоли Тоҷикистон дар маркази пойтахт сохта шаванд.
