Канада расман ба ширкати худ дар амалиёти ҷангӣ дар Афғонистон хотима гузошт ва мегӯяд, аз соли 2002 то имрӯз 157 сарбози хешро дар Афғонистон талаф додааст. Аз лиҳози теъдоди сарбозон дар Афғонистон Канада пас аз Иёлоти Муттаҳида, Бритониё, Олмон, Фаронса ва Италия дар ҷои шашум қарор дорад. Дар ҳоле ки 2850 сарбози он ба ватан бармегарданд, 950 нафари дигар ба Афғонистон мераванд, то дар омӯзишу тамрини нерӯҳои амниятии ин кишвар саҳм бигиранд.
