Леон Панетта-номзад ба мақоми вазири дифои Амрико дар Сенати ин кишвар гуфт, аз даъвати Барак Обама-раиси ҷумҳури Амрико дар мавриди фарохонди шумораи қобили мулоҳизаи нируҳои Амрико аз Афғонистон ҷонибдорӣ мекунад. Хуруҷи нируҳо моҳи июл оғоз мешавад. Оқои Панетта ҳамчунин дар Сенат изҳор дошт, ки ба бовари CIA ё Ожонси Марказии Кашфи Амрико дар Ироқ то ҳол ҳудуди 1 000 нафар размандагони Ал Қоида боқӣ мондаанд ва вазъ дар он ҷо шикананда мебошад. Оқои Панетта дар мақоми вазири дифои Амрико Роберт Гейтсро иваз хоҳад кард.
